Avropa çempionatının 1/8 finalının iki görüşü keçirilib

  Bölmə: Qatar-2022 | 1072 | 09:10 27-06-2021
Avropa çempionatının 1/8 finalının iki görüşü keçirilib

Futbol üzrə İtaliya və Danimarka milliləri Avropa çempionatının dörddəbir final mərhələsinə yüksəlib

OLİMPSPORT xəbər verir ki, iyunun 26-da Londondakı "Uembli" stadionunda İtaliya və Avstriya yığma komandaları üz-üzə gəliblər.

Matçın əsas vaxtında qapılara top vurulmayıb. Qalibi müəyyənləşdirmək üçün oyuna əlavə vaxt təyin olunub. Əlavə hissədə rəqibini 2:1 hesabı ilə məğlub edən İtaliya millisi "Avro-2020"nin dörddəbir final mərhələsinə adlayıb.

İtaliya millisinin heyətində Federiko Çiesa, Matteo Pissina, rəqib komandadan isə Saşa Kalajdziç fərqlənib.

İtaliya millisi dörddəbir finalda Belçika - Portuqaliya qarşılaşmasının qalibi ilə görüşəcək.

Qeyd edək ki, günün digər matçında Danimarka yığması Uels üzərində 4:0 hesabı ilə qalib gələrək 1/4 final mərhələsinə vəsiqə qazanıb. 


Digər xəbərlər