Dünya çempionu Fərid Qayıbovun idmançıları qarşılamasını örnək addım hesab edib

"Tarixdə görmədiyimiz günləri yaşayırıq. Azərbaycanın gənclər və idman naziri Fərid Qayıbov səhər saat 5-də şəxsən gələrək, öz idmançılarını hava limanında qarşılayır".
Bu fikirləri Norveçin paytaxtı Oslodakı dünya çempionatında qızıl medal qazanmış yunan-Roma güləşçisi Rafiq Hüseynov şəxsi instaqram hesabında yazıb.
87 kq çəki dərəcəsində çıxış edən 33 yaşlı pəhləvan nazirin belə jestini örnək addım hesab edib: "Bu, hər rəhbər vəzifəli şəxsə nümunədir və əlbəttə, bizim üçün şərəf, gələcək yarışlarda daha əzmlə çalışmağımıza vadar edən addımdır. Bizə dəyər verdiyiniz üçün təşəkkürlər, cənab nazir".
Qeyd edək ki, yunan-Roma güləşi üzrə Azərbaycan millisi baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında 1 qızıl, 1 gümüş və 2 bürünc medalla 107 xal toplayıb və komanda hesabında dünya üçüncüsü olub. Rusiya (152) birinci, İran (146) isə ikinci pillədə qərarlaşıb. Rafiq Hüseynovdan əlavə Sənan Süleymanov (77 kq) gümüş, Eldəniz Əzizli (55 kq) və Murad Məmmədov (60 kq) isə bürünc medal qazanıblar.
-
Qərib Əliyevin 65 yaşı tamam olur
...
-
Dünya Kuboku Azərbaycanda keçiriləcək
…
-
FƏNDİ İLƏ RƏQİBLƏRİNİ UYUDAN PƏHLƏVAN
...
-
Rusiya millisinin baş məşqçisi həmyerlimizi komandasında görmək istədiyini bildirib
...
-
Gürcüstan yığmasına ilk dəfə azərbaycanlı güləşçi vəsiqə qazanıb
...
-
Azərbaycan güləşçilərinin qazandıqları medal sayı məlum olub
...
-
Tural Əliyev I dərəcəli beynəlxalq hakim statusuna layiq görülüb
…
-
Mikayıl Cabbarov federasiya prezidenti seçildi
…
-
Fərid Mansurova yeni vəzifə verildi
...
-
Güləş Federasiyasından 63 min manatlıq oğurluq edən şəxslər saxlanıldı
...