"Autizmlilər İdman Klubu"nda toplantı keçirildi

Bu gün "Autizmlilər İdman Klubu" İctimai Birliyində 2018-ci ildə həyata keçiriləcək işlərə dair toplantı keçirilib.

İctimai Birliyin mətbuat xidmətindən Olimpsport.Az-a verilən məlumata görə, iclasda AİK İB sədri Elnur Məmmədov, İctimai Birliyin baş katibi Ərşad Nəsibov, Birliyin ümumi şöbəsinin  rəhbəri Aliyə Əliyeva və Autizm idman klublarının koordinatorları iştirak ediblər.

Toplantıda 2018-ci ildə görüləcək işlər məruzə olunub, koordinatorların məruzələri dinlənilib. Klublar arasında əlaqələrin genişləndirilməsi və koordinasiya olunması, yarışların təşkili və keçirilməsi geniş müzakirə olunub. Müvafiq dövlət orqanları və beynəlxalq təşkilatlarla əlaqələr məruzə olunub.