Qurban Qurbanovdan bəd mesaj: "Miçel 15 gün olmayacaq"

  Bölmə: Ölkə futbolu | 4345 | 09:02 27-08-2018
Qurban Qurbanovdan bəd mesaj: "Miçel 15 gün olmayacaq"

Topaz Premyer Liqasının III turu çərçivəsində “Neftçi”ylə evdə 1:1-lik bərabərliyə imza atan “Qarabağ”ın baş məşqçisi Qurban Qurbanov mətbuat konfransı keçirib. Meydan sahiblərinin çalışdırıcısı əvvəlcə oyun barədə fikirlərini bölüşüb.

 

-    Zənnimcə, məzmunlu futbol izlədiniz. Hər komanda bol qol şansı yaxaladı. Məncə, azarkeşlər də oyundan razı qaldı.

 

-    Fasiləyədək “Neftçi” pressinq etdi, lakin ikinci hissədə müdafiəyə çəkildi. Bu, işinizə nə dərəcədə yaradı?
-    90 dəqiqə pressinq etmək mümkün deyil. Bəlkə də hesab onları müdafiəyə çəkilməyə vadar etdi. Amma biz də ikinci 45 dəqiqədə təzyiqi artırdıq, fəallaşdıq.

 

-    Miçel və Zubirin zədələri nə yerdədi?
-    Miçel azı 15 gün buraxacaq. Zubiri isə qoruduq. Çiynində zədə var. Meydana buraxmaq bir qədər riskli idi.

 

-    Adətən hisslərinizi gizlədirsiniz. Ancaq bu gün yaman emosional idiniz. Bu, son zamanlar komandanın üzərindəki təzyiqdən qaynaqlanır?
-    Açığı, ən az həyəcan oyunlar zamanı olur. Ola bilər, bu gün daha aktiv idim. Düzdü, bir neçə dəfə zonamı tərk etmişdim. Ancaq bu, normal haldı.

 

-    Bu gün Ozobiç “Qarabağ”da ən yaxşı oyununu keçirdi. Onu pleymeker kimi yenə oynadacaqsınızmı?
-    Olacaq. Ancaq oyundan oyuna fərq var. Düşünürəm ki, bu gün tapşırıqları yerinə yetirə bildi.


Digər xəbərlər