Süleyman Mikayılov AİBA-nın İcraiyyə Komitəsinə üzv seçilib

  Bölmə: Digər növlər | 2553 | 19:11 04-11-2018
Süleyman Mikayılov AİBA-nın İcraiyyə Komitəsinə üzv seçilib

Özbəkistanlı Qafur Rəhimov Beynəlxalq Həvəskar Boks Assosiasiyasının (AİBA) prezidenti seçilib.

Qurumun Rusiyanın paytaxtı Moskvada keçirilən Konqresində onun yeganə rəqibi AİBA-nın qazaxıstanlı vitse-prezidenti Serik Konakbayev olub.

Bu ilin yanvarından prezident vəzifələrini icra edən Rəhimov seçkidə 134 səsdən 86-nı toplayıb. Onun prezident səlahiyyətləri 2022-ci ilədək davam edəcək.

Konqresdə ölkəmiz Azərbaycan Boks Federasiyasının (ABF) vitse-prezidenti Süleyman Mikayılov və baş katib Nağı Səfərovla təmsil olunub.

ABF-in vitse-prezidenti S.Mikayılov növbəti 4 il üçün AİBA-nın İcraiyyə Komitəsinin üzvü seçilib. O, ardıcıl üçüncü dəfə ölkəmizi beynəlxalq qurumun icraedici orqanında təmsil edəcək.

İcraiyyə Komitəsinin AİBA-ya üzv olan 205 ölkədən 14 üzvü var.

Bundan əvvəl AIBA çəki dərəcələrinə edilən dəyişiklikləri təsdiqləyib.


Digər xəbərlər