Azərbaycan ağırlıqqaldıranı Misirdə gümüş medal qazanıb

  Bölmə: Digər növlər | 6298 | 08:12 14-12-2018
Azərbaycan ağırlıqqaldıranı Misirdə gümüş medal qazanıb

 Azərbaycan ağırlıqqaldıranı Əliş Nəzərov Misirin paytaxtı Qahirədə keçirilən İslam Həmrəyliyi İdman Federasiyasının V ağır atletika çempionatında gümüş medal qazanıb.

102 kq çəki dərəcəsində yarışan idmançı 309 kq (142+167) nəticə ilə ikinci olub. 2020-ci il Tokio Yay Olimpiya Oyunlarına lisenziya xarakterli yarışda ağır atletika üzrə Azərbaycan yığma komandasının daha iki üzvü də iştirak edib.

96 kq çəki dərəcəsində mübarizə aparan Nailxan Nəbiyev toplam 333 kq (146+187) nəticə ilə 6-cı, eyni çəkidə yarışan Kamran İsmayılov isə 325 kq (145+180) nəticə ilə 8-ci yeri tutub.


Digər xəbərlər