Azərbaycan güləş tarixində yeni rekord: Sədi Quliyev I-S dərəcəsinə yüksəlib

  Bölmə: Güləş | 1578 | 19:45 28-12-2018
Azərbaycan güləş tarixində yeni rekord: Sədi Quliyev I-S dərəcəsinə yüksəlib

Dünya Güləş Birliyi (UWW) ilin sonunda beynəlxalq kateqoriya alan və dərəcəsini yüksəldən hakimlərin adlarını açıqlayıb.

Imtahanlardan uğurla keçən 6 Azərbaycan hakiminin kateqoriyası dəyişib. Sədi Quliyev ən yüksək kateqoriya hesab olunan I-S dərəcəsinə yüksəlib. Bununla da olimpiya kateqoriyalı Azərbaycan hakimlərinin sayı 4-ə çatıb. Bu da Azərbaycan güləş tarixində yeni rekorddur. 

Elman İsmayılovla Abdul Nuriyev I kateqoriyaya sahib çıxıb. Buna qədər milli hakim statusunda olan Əli Babayev, Həbib Nurulu və Cəlal Bahadurov isə beynəlxalq hakim statusu alaraq, III dərəcəyə yüksəliblər.

Qeyd edək ki, digər I-S dərəcəli hakimlər Hicran Şərifov, İntiqam Alıyev və Asif Şirəliyevdir.


Digər xəbərlər