Kamandar Məcidov güləş yığmamızı Rusiyadan sonra ən güclü hesab edir

  Bölmə: Güləş | 424 | 17:15 26-06-2019

   Düşünürəm ki, güləş üzrə Azərbaycan millisi Rusiyadan sonra ikinci ən güclü komandadır. Sabiq SSRİ ölkələrinin güləşçiləri həmişə fərqləniblər. Onlara uğurlar arzulayıram. OLİMPSPORT  AZƏRTACA istinadən  xəbər verir ki, bu fikri Minskə ezam olunan azərbaycanlı jurnalistlərə müsahibəsində Belarus Güləş Federasiyasının prezidenti, Qlimpiya, ikiqat dünya və üçqat Avropa çempionu Kamandar Məcidov söyləyib.

  Bakıda birinci Avropa Oyunlarının yüksək səviyyədə təşkil olunduğunu xatırladan həmyerlimiz bildirib ki, Minskdə keçirilən ikinci Oyunların yaxşı keçirilməsi üçün lazımi şərait yaradılıb. Turistlərin sayı baxımından da irəliləyiş hiss olunur.

“Birinci Avropa Oyunları zamanı Bakıda yeni idman obyektləri inşa edildi. Burada da müəyyən yeniliklər edilib. Əvvəl elə bildik ki, təşkilatçılıq asan başa gələcək. Amma işin içində olduqca, görürsən ki, çətin məqamlar da olur. Bütün işləri təxminən iki ilə sığışdırdıq”, - deyə Kamandar Məcidov əlavə edib.