Emin Mahmudov: "Niyə oyuna bu qədər gec qoşulduğumuzu bilmirəm"

  Bölmə: Ölkə futbolu | 325 | 06:22 10-08-2019
Emin Mahmudov: "Niyə oyuna bu qədər gec qoşulduğumuzu bilmirəm"

İlk hissədə gec oynamağa başladıq. Çox vaxt topu itirirdik. Elə rəqib də bundan istifadə elədi. Nəticədə onların əks hücumları effekt verdi. Niyə oyuna bu qədər gec qoşulduğumuzu bilmirəm.

Bu sözləri “Neftçi” klubunun kapitanı Emin Mahmudov UEFA Avropa Liqasının üçüncü təsnifat mərhələsində İsrailin “Bney Yahuda” komandası ilə (2:2) oyundan sonra deyib. “Düşünmürəm ki, bu nəticə ardıcıl qələbələrimizdən irəli gəlmir. Biz hər bir komanda üzvləri ilə üçüncü təsnifat mərhələsində olduğumuzu başa düşürük. Dünən 10 mindən çox tamaşaçı bizə dəstək olmağa gəldi. Bütün oyun boyu hər bir hücumlarımıza reaksiya verirdilər. Hər birinə təşəkkür edirəm. Onları sevindirmək üçün cavab oyununda daha da yaxşı oynamağa çalışacağıq”, - deyə E.Mahmudov söyləyib.

Qeyd edək ki, cavab oyunu avqustun 15-də İsraildə keçiriləcək.


Digər xəbərlər