Yeni mövsümdə ilk istefa Qəbələdə baş tutdu

  Bölmə: Ölkə futbolu | 380 | 06:13 01-09-2019
Yeni mövsümdə ilk istefa Qəbələdə baş tutdu

Azərbaycan Premyer Liqasının III turunun “Qəbələ” – “Keşlə” oyunundan (0:4) sonra “qırmızı-qaralar”ın baş məşqçisi Sənan Qurbanov istefa verib.

"Qəbələ"nin rəsmi saytına istinadən məlumatına görə, klub rəhbərliyi 39 yaşlı mütəxəssisin istefasını qəbul edib.

2012-ci ildə “Qəbələ”nin köməkçi məşqçisi təyin olunan Qurbanov 2018-ci ilin yayından baş məşqçi kimi çalışıb. Əvvəlcə komandanı baş məşqçi əvəzi kimi 3 matça çıxaran mütəxəssis ümumilikdə 43 oyunda bu vəzifəni yerinə yetirib. Komanda onun rəhbərliyi altında 15 qələbə qazanıb, 11 heç-heçə edib və 17 dəfə uduzub. “Qəbələ” S.Qurbanovun rəhbərliyi altında Azərbaycan kubokunun 2018-2019-cu illər mövsümünün qalibi olub.


Digər xəbərlər