Həbib Nurməhəmmədov UFC reytinqində 2-ci yerdə qərarlaşıb

  Bölmə: Digər növlər | 562 | 09:58 11-09-2019

Qarışıq döyüş növləri üzrə ən güclü idmançılardan hesab edilən rusiyalı Həbib Nurməhəmmədov təşkilatın reytinq siyahısında ikinci yerdə qərarlaşıb.

Bu barədə mütləq döyüş çempionatının (UFC) mətbuat xidməti məlumat yayıb. Reytinq siyahısında birinci yeri amerikalı Con Cons tutmaqda davam edir. Siyahıda üçüncü yerdə amerikalı Henri Sexudo qərarlaşıb.

 Xatırladaq ki, sentyabrın 7-də Həbib Nurməhəmmədov üçüncü raundda boğucu fəndlə amerikalı Dastin Porye üzərində qələbə qazanaraq ikinci dəfə UFC çempionu titulunu qoruya bilib. Bu, indiyə qədər heç bir döyüşü uduzmayan 30 yaşlı dağıstanlı idmançının 28-ci qələbəsidir.