Azərbaycan Premyer Liqası : " Neftçi" evdə xal itirib

  Bölmə: Ölkə futbolu | 410 | 22:15 22-09-2019
Azərbaycan Premyer Liqası : " Neftçi" evdə xal itirib

Sentyabrın 22-də futbol üzrə Azərbaycan Premyer Liqasında beşinci turun daha bir oyunu keçirilib.

Həftənin üçüncü matçında “Neftçi” klubu “Keşlə”ni qəbul edib. Görüşün birinci hissəsində hesab açılmayıb. Birinci hissədə əsas diqqət çəkən məqam meydan sahiblərinin azlıqda qalması olub. “Ağ-qaralar”ın yeni transferi Donald Gerye 34-cü dəqiqədə ikinci dəfə sarı vərəqə alıb və meydanı tərk edib. Qarşılaşmanın ikinci hissəsində də tarazlıq pozulmadığından tərəflər 1 xalla kifayətləniblər.

Xalını 7-ə çatdıran “Keşlə” “Zirə” ilə 3-4-cü yerləri bölüşür. “Neftçi” isə 5 xalla altıncı yerdədir.

Qeyd edək ki, ilk oyun günündə “Sumqayıt” “Sabah”ı 1:0 hesabı ilə məğlub edib. “Səbail” isə evdə “Qəbələ” ilə bərabərə qalıb - 1:1. Tura sabah keçiriləcək “Zirə” – “Qarabağ” qarşılaşması ilə yekun vurulacaq.


Digər xəbərlər