Azad Rəhimov Azərbaycanın 10 ölkəyə ekspert yardımı göstərməyə hazır olduğunu bildirdi

  Bölmə: Maqazin | 2188 | 17:47 31-10-2019

Azad Rəhimov Azərbaycanın 10 ölkəyə ekspert yarıdımı göstərməyə hazır olduğunu bildirdi

Azərbaycan Respublikasının gənclər və idman naziri Azad Rəhimov dopinq programlarının beynəlxalq standartlara uyğun olmayan 10 ölkəyə ekspert yardımını göstərməyə hazır olduğunu bildirdi.

Azad Rəhimov bu fikirləri Paris şəhərində 29-31 oktyabr tarixlərində keçirilən BMT-nin Təhsil, Elm və Mədəniyyət Təşkilatının (UNESCO) 7ci sessiyasında səsləndirib. Təklif müxtəlif ölkələr tərəfindən müsbət qarşılanaraq, çox yüksək dəyərləndirilib.

Sessiyada müxtəlif ölkələrin idman strukturlarının rəhbərləri, beynəlxalq idman təşkilatlarının və digər qurumların nümayəndələri iştirak edib. Səfəri çərçivəsində A.Rəhimov UNESCO-nun baş direktorunun Humanitar və Sosial elmər üzrə müavini Nada al-Naşif, Ümumdünya Anti Dopinq Agentliyinin (WADA) yeni seçilmiş Presidenti, Polşanın İdman və Turizm Naziri Vitold Banka, Avropa Şurasının İdman Konvensiyalarının Direktoru Sergey Xriçikov, Rusiya Federasiyasının İdman Naziri Pavel Kolobkov, Səidiyyə Ərəbistanı Şahzadəsi Fahad bin Jalawi al Saud və digərləri ilə bir sıra ikitərəfli görüşlər keçirib.

Tədbirin açılışında, eyni zamanda, idmanda dopinqinlə mübarizə və beynəlxalq əməkaşlıq mövzusuna dair panel müzakirələrdə çıxış edən nazir Azad Rəhimov, Azərbaycanın idman sahəsində qazandığı geniş təcrübə haqqında söz açmış və ölkəmizlə beynəlxalq strukturların idman əlaqələrinin genişləndirmə imkanlarını müzakirə etmişdir.