Azərbaycan Premyer Liqası: "Səbail" üç xalı 3 qolla qazanıb

Azərbaycan Premyer Liqasında XVII turun 3-cü görüşü keçirilib. 

OLİMPSPORT xəbər verir ki, “Səbail” öz meydanında “Qəbələ” klubunu qəbul edib.

Görüş meydan sahiblərinin 3:1 hesablı qələbəsi ilə başa çatıb. Oyunda hesabı qonaqlar 16-cı dəqiqədə açıblar. Nikolas Raysel fərqlənib. Birinci hissə əyalət təmsilçisinin minimal hesabla qələbəsi ilə yekunlaşıb.

“Səbail” hesabda geridə olmasına baxmayaraq, ikinci hissədə ardıcıl üç qol vuraraq 3:1 hesabı ilə qələbə qazanıb.

Səbaillilərin heyətində Mirsahib Abbasov, Rauf Əliyev, Hendrik Ekşteyn adların tabloya yazdırıb.

Bu qələbədən sonra “Səbail” xal ehtiyatını 15-ə çatdıraraq 7-ci yerdəki yerin möhkəmlədib. “Qəbələ” isə 13 xalla sonuncu - 8 yerdə qərarlaşıb.

Qeyd edək kİ, turav“Neftçi” - “Keşlə” oyunu ilə yekun vurulacaq.