Avropa çempionatında iştirak edəcək Uels millisinin nümayəndələri Bakıda səfərdədir

  Bölmə: Avro-2020 | 598 | 14:02 24-02-2020
Avropa çempionatında iştirak edəcək Uels millisinin nümayəndələri Bakıda səfərdədir

Futbol üzrə “Avro-2020”nin A qrupunda Türkiyə və İsveçrə millilərinə qarşı oyunlarını Bakı Olimpiya Stadionunda keçirəcək Uels milli komandasının nümayəndələri Bakıda səfərdədir.

OLİMPSPORT  xəbər verir ki, baş məşqçi Rayan Giqqz, media və marketinq meneceri İan Guiyn Hughes, təhlükəsizlik departamentinin rəisi Qrant Aşton Briggs və kit menecer David Tudor Griffitsin daxil olduğu nümayəndə heyəti hotellərə və stadionlara baxış keçirəcək, infrastrukturla tanış olacaqlar.

AFFA-nın icraçı vitse-prezidenti Elxan Məmmədov Uels millisinin baş məşqçisi R.Giqqzlə görüşüb. Görüşdə “Avro-2020”nin Bakıda keçiriləcək oyunları ilə bağlı fikir mübadiləsi aparılıb, qarşılaşmaların yüksək səviyyədə təşkil olunacağına əminlik ifadə olunub.

Xatırladaq ki, E.Məmmədov bir müddət əvvəl Bakıda səfərdə olmuş Türkiyə millisinin baş məşqçisi Şenol Güneşlə də görüşmüşdü.

Digər xəbərlər