UEFA koronavirus epidemiyasının yayılmasının qarşısını almaq məqsədilə əllə görüşməyi qadağan edib

  Bölmə: Xarici futbol | 1362 | 15:07 10-03-2020
UEFA koronavirus epidemiyasının yayılmasının qarşısını almaq məqsədilə əllə görüşməyi  qadağan edib

UEFA koronavirus epidemiyasının yayılmasının qarşısını almaq məqsədilə növbəti qərar qəbul edib.

OLİMPSPORT  TASS informasiya agentliyinə istinadla xəbər verir ki, futbolçulara avrokubok oyunları öncəsi əllə görüşmək qadağan olunub. Bu addım Dünya Səhiyyə Təşkilatının tövsiyəsi ilə atılıb.

Qeyd edək ki, qitə futbol qurumu daha əvvəl Çempionlar Liqasının səkkizdəbir final mərhələsində “Valensiya” (İspaniya) – “Atalanta” (İtaliya), həmçinin Avropa Liqasının onaltıdabir finalının “Kopenhagen” (Danimarka) – “Başakşehir” (Türkiyə) matçlarının azarkeşsiz keçiriləcəyini açıqlayıb.

Bundan başqa, Çempionlar Liqasının səkkizdəbir final mərhələsinin “Paris Sen-Jermen” (Fransa) – “Borussiya Dortmund” (Almaniya) oyunu da azarkeşsiz keçiriləcək.


Digər xəbərlər