İdmançı ehtiyatsızlıqdan atasını öldürdü

  Bölmə: Maqazin | 474 | 07:29 09-09-2020
İdmançı ehtiyatsızlıqdan atasını öldürdü

Atasını ehtiyatsızlıqdan öldürən Şövqü peşəkar güləşçidir Tanınmış gitaraçı Nofəl Süleymanlını ehtiyatsızlıqdan öldürməklə gündəmə gələn oğlu Şövqü Süleymanlı haqda bəzi məlumatlar bəlli olub.

OLİMPSPORT  xəbər verir ki, Ş.Süleymanlı peşəkar formada sərbəst güləşlə məşğul olub. Azərbaycan çempionatında yarışlarda müxtəlif yerlər tutub.O, 2018-ci ildə 10-cu sinifdə oxuyarkən Gürcüstanda keçirilən idmanın güləş növü üzrə 55 kq çəkidə olan idmançılar arasında Beynəlxalq turnirdə I yerə layiq görülüb.

Ş.Süleymanlının 17 yaşı var. Nofəl Süleymanlının 4 övladı var, onlardan üçü oğlandır. Məlumata görə, Nofəl qeydiyyatda olduqları Ağcabədi rayonuna yola düşməzdən əvvəl oğluna silahı təmizləməsini, rayonda ova getməklərini tapşırıb. Nizami rayon Prokurorluğunun yaydığı məlumata görə, 2003-cü il təvəllüdlü Şövqü Süleymanlı paytaxtın Nizami rayonu ərazisində yerləşən yaşadıqları evin mətbəxində atası Nofəl Süleymanlının adına olan “Escot” markalı 12 kalibrli ov tüfəngində olan patronları boşaldarkən ehtiyatsızlıqdan tüfəngdən açılmış atəş nəticəsində qırmalar həmin vaxt mətbəxin eyvanında olan atası Nofəl Süleymanlının kürək nahiyəsinə dəyib, sonuncu aldığı ağır xəsarətlərdən hadisə yerində ölüb.


Digər xəbərlər