UEFA Millətlər Liqası: Millimiz turniri heç-heçə ilə başa vurdu

  Bölmə: Ölkə futbolu | 730 | 10:05 18-11-2020
UEFA Millətlər Liqası: Millimiz turniri heç-heçə ilə başa vurdu

Bu gün Azərbaycan milli komandası UEFA Millətlər Liqasının qrup mərhələsində sonuncu oyununu keçirib.

OLİMPSPORT xəbər verir ki, Canni de Byazinin rəhbərlik etdiyi yığmamız Lüksemburqun qonağı olub. Matç 0:0 hesablı heç-heçə ilə başa çatıb. Bu, yığmamızın turnirdə ardıcıl 4-cü qolsuz heç-heçəsi olub. Millimiz B liqasına yüksəlmək şansını itirsə də, bu görüşün əhəmiyyəti böyükdür. Çünki yığmamız yarışla vidalaşsa belə, 3-cü pillədəki mövqeyini qorumaqla C liqasında qalacaq. Ancaq 4-cü sıraya yuvarlanmaq C liqasında qalmaq uğrunda pley-off matçlarına qatılmaqla nəticələnə bilərdi.

Qrupun digər matçında Monteneqro və Kipr yığmaları üz-üzə gəlib. Sözügedən qarşılaşma ev sahiblərinin 4:0 hesablı qələbəsi ilə yekunlaşıb.

17 noyabr

Millətlər Liqası C liqası, 1-ci qrup 6-cı tur 23:45. Lüksemburq - Azərbaycan - 0:0

Baş hakim: Feliks Zvayer (Almaniya) Lüksemburq. Joze Bartel stadionu

23:45. Monteneqro - Kipr - 4:0

Qollar: Yovetiç, 14 (1:0), Bolyeviç, 25 (2:0), 28 (3:0), Muqosa, 60 (4:0)

Digər xəbərlər