Azərbaycan Premyer Liqası: "Qarabağ" səfərdə "Səbail" klubu ilə heç-heçə edib - "Keşlə" növbəti xalını itirib

  Bölmə: Ölkə futbolu | 617 | 20:30 29-11-2020

Bu gün Azərbaycan Premyer Liqasının 11-ci turun növbəti oyunları keçirilib. 

OLİMPSPORT xəbər verir ki, bu gün daha iki görüş keçirilib. “Keşlə” doğma meydanda “Sabah”la heç-heçə edib - 1:1.

Günün digər görüşündə “Qarabağ” "Səbail"in qonağı olub. Bu oyunda da 1:1 hesabı qeydə alınıb.

Bununla da Ağdam klubu xallarını 19-a çatdıraraq yenidən liderliyə yüksəlib. İkinci pillədə olan "Zirə"nin də xalları eynidir.

Qeyd edək ki, tura sabah keçiriləcək “Sumqayıt” – “Qəbələ” matçı ilə yekun vurulacaq.

29 noyabr (bazar) 16:00. “Səbail” – “Qarabağ” - 1:1 Qollar: Amil Yunanov, 57-pen.(1:0), Donald Gerye, 64 (1:1) Hakimlər: Elçin Məsiyev, Qəzənfər Məmmədov, Kamran Bayramov, Fərid Hacıyev “ASCO Arena”

14:00. “Keşlə” – “Sabah” - 1:1 Qollar: Kubemba, 60 (0:1), Meza Kolli, 85 Hakimlər: İnqilab Məmmədov, Cavanşir Yusifov, Rahil Ramazanov, Rəşad Əhmədov “ASK Arena”

30 noyabr (bazar ertəsi) 16:00. "Sumqayıt" - "Qəbələ" Hakimlər: Rəhim Həsənov, Namiq Hüseynov, Eyyub İbrahimov, Səbuhi Bayramo "Kapital Bank Arena"

28 noyabr (şənbə) 16:00. "Neftçi" – "Zirə" - 0:0 “Bakcell Arena” Hakimlər: Vüqar Həsənli, Elşad Abdullayev, Pərvin Talıbov, Rəvan Həmzəzadə