Azərbaycan Premyer Liqası: "Neftçi" liderliyə yüksəlib

  Bölmə: Ölkə futbolu | 1693 | 22:07 20-12-2020
Azərbaycan Premyer Liqası: "Neftçi" liderliyə yüksəlib

Dekabrın 20-də futbol üzrə Azərbaycan Premyer Liqasında XII tura yekun vurulub.

OLİMPSPORT xəbər verir ki, “Bank Respublika Arena”da “Sabah” və “Neftçi” komandaları üz-üzə gəlib. FIFA referisi Əliyar Ağayevin idarə etdiyi görüş qonaqların qələbəsi ilə yekunlaşıb - 2:0. Hər iki qolu Namik Ələsgərov vurub. 25 yaşlı yarımmüdafiəçi 45+3-cü dəqiqədə penaltini dəqiq yerinə yetirib. 65-ci dəqiqədə isə o, dubl edib. Bu qələbə sayəsində xalını 21-ə çatdıran “Neftçi” liderliyə yüksəlib. “Sabah” isə 10 xalla sonuncu pillədə qalıb.

Qeyd edək ki, turun ilk 3 oyununda “Qəbələ” evdə “Qarabağ”la 1:1, “Zirə” “Sumqayıt”la 2:2 hesablı heç-heçə edib, “Keşlə” isə “Səbail”ə məğlub olub - 0:2.


Digər xəbərlər