Türkiyə Superliqası: "Qalatasaray" növbəti qələbəsini qazanıb

  Bölmə: Xarici futbol | 339 | 23:45 14-02-2021

Türkiyə Super Liqasında XXV turun daha 4 oyunu keçirilib.

OLİMPSPORT xəbər verir ki, liderlər qrupunda qərarlaşan “Qalatasaray” ev matçına çıxıb. Fatih Terimin kollektivi elitada qalmağa çalışan “Kasımpaşa”nı minimal hesabla üstələyib.

“Göztəpə”nin qonağı olan son çempion “Başakşəhər” səfərdən xalsız dönüb.

Turnir cədvəlində qonşu olan “Hatayspor”la “Alanyaspor”un duelində isə sülh qeydə alınıb.

Fevralın 15-də keçiriləcək “Gənclərbirliyi” – “Beşiktaş” (17:00) və “Antalyaspor” – “Yeni Malatyaspor” (20:00) görüşləri ilə tur başa çatacaq.