Azərbaycan Premyer Liqası: "Qarabağ" ardıcıl olaraq yenə xal itirib

Bu gün Azərbaycan Premyer Liqasının 16-cı turuna start verilib. 

OLİMPSPORT xəbər verir ki, əvvəlcə "Səbail" doğma meydanda "Sabah"ı qəbul edib və 2:0 hesabı ilə qalib gəlib.

Günün digər görüşündə isə son illərin dəyişməz çempionu "Qarabağ" "Sumqayıt"ın qonağı olub. Ötən tur "Neftçi"yə 1:2 hesabı ilə uduzaraq liderliyi itirən Ağdam təmsilçisi bu dəfə də "Sumqayıt"la oyunda vacib xal itirib. Qarşılaşma qolsuz bərabərliklə başa çatıb.

Qeyd edək ki, tura fevralın 20-də "Keşlə" - "Zirə" və "Neftçi" - "Qəbələ" matçları ilə yekun vurulacaq.

Azərbaycan Premyer Liqası, 16-cı tur 19 fevral

18:00. "Sumqayıt" - "Qarabağ" - 0:0

Hakimlər: Rəşad Əhmədov, Akif Əmirəli, Rahil Ramazanov, Kamal Umudlu

Sumqayıt, "Kapital Bank Arena".

16:00. "Səbail" - "Sabah" - 2:0

Qollar: Amil Yunanov, 16 (1:0), 77

Hakimlər: Rəhim Həsənov, Cəmil Quliyev, Eyyub İbrahimov, Tural Qurbanov

Bakı, "ASCO Arena".