Çempionlar Liqasının finalı Nyu-Yorkda keçirilə bilər

  Bölmə: Xarici futbol | 440 | 10:16 27-02-2021

2025-ci ildə Çempionlar Liqasının finalına Nyu-York ev sahibliyi edə bilər

 UEFA Çempionlar Liqasının (ÇL) final oyunu ABŞ-da keçirilə bilər. OLİMPSPORT xəbər verir ki, UEFA-nın prezidenti Aleksander Çeferin Avropa sərhədlərini aşmağı planlaşdırır. Sloveniyalı futbol funksionerinin rəhbərlik etdiyi qurum 2024-cü ildən etibarən Çempionlar Liqasında inqilaba hazırlaşır. Maksimum sayda klubun iştirakının planlaşdırıldığı yeni formata əsasən, hədəflərdən biri də başqa qitədə final görüşü təşkil etməkdir. Bu səbəbdən Nyu-York 2025-ci ildəki finala ev sahibliyi etmək üçün mümkün namizəd sayılır. Çempionlar Liqasının finalı bu il İstanbulda, gələn il Sankt-Peterburqda, 2023-cü ildə Münhendə, 2024-cü ildə isə Londonda baş tutacaq.