"Aprel Döyüşləri" nə həsr olunmuş güləş yarışı keçirilib

Bu gün Azərbaycan İdman Jurnalistləri Assosiasiyasının (AİJA) və 2 saylı RİOEUGİM-in birgə təşkilatçılığı ilə sərbəst güləş üzrə yeniyetmələr(U-15) arasında "Aprel Döyüşləri" nin 6 illiyinə həsr olunmuş Respublika turniri təşkil edilib.

Turnirdə fəxri qonaq kimi AİJA prezidenti, əməkdar jurnalist Eldar İsmayılov və Beynəlxalq İdman Mətbuatı Assosiasiyasının (AIPS) üzvü ,sərbəst güləş üzrə əməkdar məşqçi Ramin Allahverdiyev də iştirak edib. Yarışın açılış hissəsində öz ürək sözlərini idmançılarla paylaşan AİJA prezidenti idmanın xüsusilə sülhlə vəhdətindən söz açıb. Eldar İsmayılov xüsusilə vurğulayıb ki, Allah heç zaman bundan sonra xalqımıza qanlı günlər qismət eləməsin ki, biz də həmin günləri xatırlayaq. Çıxışının sonunda əməkdar jurnalist yarış iştirakçılarına uğurlar arzulayıb.

Qeyd edək ki, 50-yə yaxın yeniyetmənin öz qüvvəsini sınadığı turnirdə yer tutan idmançılara təşkilatçılar tərəfindən diplom, medal və qiymətli hədiyyələr təqdim olunub.