AİJA-nın xüsusi mükafatı gürcüstanlı Olimpiya çempionuna təqdim edilib

İyun ayının 9-da Azərbaycan İdman Jurnalistləri Assosiasiyasının (AİJA) Güləş Komissiyasının sədri, əməkdar məşqçi Ramin Allahverdiyev Gürcüstan Respublikasının Qori şəhərinin meri, sərbəst güləş üzrə Rio Yay Olimpiya Oyunlarının qalibi Vladimir Xinçeqaşvili ilə görüşüb.

OLİMPSPORT xəbər verir ki, görüş gənc merin yetişdiyi Qori şəhərinin güləş məktəbində baş tutub. AİJA-nın xüsusi mükafatına layiq görülən Vladimir Xinçeqaşvili ona verilən dəyərə görə qarşı tərəfə öz dərin minnətdarlığını bildirib.

Qeyd edək ki, görüşdə məqsəd eyni zamanda Qori şəhəri ilə Azərbaycan güləşçilərinin birgə təlim-məşq toplanışlarının təşkili və digər əməkdaşlıq layihələrinin həyata keçirilməsi olub. Tərəflər arasında böyük məmnuniyyətlə razılıq əldə edilib.