Azərbaycanın qadın güləşçisi Avropa üçüncüsü olub

Azərbaycanın qadın güləşçisi Aysel Məmmədzadə Rumıniyanın paytaxtı Buxarestdə keçirilən U-17 Avropa çempionatında bürünc medal qazanıb.

46 kq-da çıxış edən idmançı əvvəlcə təsəlliverici görüşdə ispaniyalı Virciniya Lopes Portilyoya 6:0 hesabı ilə qalib gəlib.

Ardınca norveçli Daniella Tara Bekini "tuşe" ilə məğlub edən Məmmədzadə Avropa 3-cüsü olub.

Qeyd edək ki, daha əvvəl qadın güləşçilərdən Ruzanna Məmmədova (49 kq) qızıl, Elvina Kərimzadə (43 kq) isə gümüş medala sahib çıxıb.