"Kəpəz" komandasının məşqçi heyətindən Türkiyəyə dəstək

Bu gün Gəncənin "Kəpəz" futbol komandasının baş məşqçisi Tərlan Əhmədov, köməkçi məşqçilər, Vidadi Rzayev, Ədəhim Niftəliyev, Nadir Şükürov, Ceyhun Tanrıverdiyev və komandanın bir qrup veteran futbolçuları qardaş Türkiyədə baş vermiş zəlzələdə həlak olmuş insanlara dəstək olmaq məqsədilə Türkiyənin Gəncədə yerləşən Konsulluğunu ziyarət ediblər. Konsulluğun qarşısına gül dəstələri qoyan ziyarətçilər Gəncə futbol ailəsi adından qardaş ölkəyə öz mənəvi dəstəklərini nümayiş etdiriblər.