"Zirə" Çempionlar Liqasına məğlubiyyətlə başlayıb

Minifutbol üzrə "Zirə" komandası Bolqarıstanın paytaxtı Sofiyada təşkil olunan Çempionlar Liqasında ilk oyununa çıxıb.

"Olimpsport" xəbər verir ki, Azərbaycan təmsilçisi Ukraynanın "Andezit" kollektivi ilə üz-üzə gəlib.

Qarşılaşma rəqibin 1:0 hesablı qələbəsi ilə bitib.

"Zirə" Bakı vaxtı ilə saat 20:00-da Bolqarıstan "Terra Trak"ı ilə münasibətlərə aydınlıq gətirəcək. Bu qrupda üç klub yer alıb.

Qeyd edək ki, bu gün həmçinin “Birbaşa Bakı” da iki görüş keçirəcək.