"Kəpəz" kapitanı ilə yolları ayırdı

"Kəpəz" futbolçusu Yeqor Xvalko ilə yollarını ayırıb.

Bu barədə klubun mətbuat xidməti məlumat yayıb.

Tərəflər başa çatan müqaviləni yeniləməyiblər.

Belaruslu müdafiəçi son üç ildə "sarı-göylər"in şərəfini qoruyub. Onun "Kəpəz"dəki karyerası 2022-2023-cü illər mövsümündən başlayıb. 28 yaşlı oyunçu Gəncə təmsilçisinin heyətində 95 çempionat matçında meydana çıxaraq 3 qol vurub. Yeqor son iki mövsümdə "Kəpəz"in kapitanlarından olub.