“Turan Tovuz” “Şamaxı” ilə, “Sumqayıt” isə “Araz-Naxçıvan”la qarşılaşacaq

Misli Premyer Liqasında 10-cu turun oyunları davam edir.

OlimpSport.az xəbər verir ki, bu gün daha iki görüş keçiriləcək.

Əvvəlcə "Turan Tovuz" "Şamaxı"nı qəbul edəcək. Bu görüş Tovuz təmsilçisi üçün onunla əlamətdar olacaq ki, komanda 5 aylıq fasilədən sonra doğma meydanına qayıdır. Tovuz şəhər stadionunda ötən mövsümün sonunda süni meydançasının təbii ot örtüyü ilə dəyişdirilməsi prosesi başlayıb. Kurban Berdıyevin komandası bu mövsüm rəqiblərini Bakıda “Azərsun Arena”da qəbul edirdi.

Günün digər matçında isə "Sumqayıt" "Araz-Naxçıvan"ı qəbul edəcək. 

Qeyd edək ki, 10-cu turun son görüşündə "Qəbələ" "Sabah"ın qonağı olacaq. Oyun noyabrın 3-də keçiriləcək.

2 noyabr (bazar) 

Misli Premyer Liqası, 10-cu tur

16:00. “Turan Tovuz” – “Şamaxı”
Hakimlər: Cavid Cəlilov, Kamran Bayramov, Müslüm Əliyev, İslam Məmmədov
VAR: Kamal Umudlu 
AVAR: Vüsal Məmmədov
Tovuz şəhər stadionu

18:30. “Sumqayıt” – “Araz-Naxçıvan”
Hakimlər: Tural Qurbanov, Asiman Əzizli, Zöhrab Abbasov, Elvin Bayramov
VAR: Əliyar Ağayev
AVAR: Akif Əmirəli
M.H. adına Sumqayıt şəhər stadionu

3 noyabr (bazar ertəsi) 

19:30. “Sabah” – “Qəbələ”
 

1 noyabr (şənbə)

“Neftçi” - “Kəpəz” - 5:1 

“Karvan-Yevlax” - “Zirə” - 2:3 

Bombardirlər: 

Ba-Muaka Simakala ("Araz-Naxçıvan") - 6 qol

Coy-Lens Mikels ("Sabah") - 5 qol

Bassala Sambu ("Neftçi") - 4 qol