"Qarabağ"ın rəqibinə hücum xəttində itki dəyib

UEFA Çempionlar Liqasında “Qarabağ”ın rəqiblərindən olan “Ayntraxt” (Almaniya) itki ilə üzləşib.

OlimpSport.az xəbər verir ki, komandanın hücumçusu Can Uzun sıradan çıxıb. O, Bundesliqanın 9-cu turunda “Haydenhaym”la oyunda (1:1) zədələnərək meydanı tərk edib. O, əvəzlənərkən göz yaşlarını saxlaya bilməyib.

"Bild"in məlumatına grə, türkiyəli forvard uzun müddət oynamaya bilər.

Türkiyənin əsas milli komandasına da çağırılan 19 yaşlı Can Uzun bu mövüüm "Ayntraxt"da 13 oyuna 6 qol vurub, 4 qol ötürməsi edib.

Qeyd edək ki, “Qarabağ” – “Ayntraxt” oyunu 2026-cı il, yanvarın 21-də keçiriləcək.