“Napoli” Kobi Maynonun transferində maraqlıdır

İtaliyanın “Napoli” klubu “Mançester Yunayted”in yarımmüdafiəçisi Kobi Maynonu icarəyə götürməkdə maraqlıdır.

OlimpSport.az xəbər verir ki, italiyalılar gənc futbolçunu 2026-cı ilin yanvarında icarəyə götürməyi planlaşdırır. Daha sonra isə transfer hüququnu almaq imkanı nəzərdə tutulub. Məlumata görə, “Napoli” Mayno üçün həftədə təxminən 40 min avro ödəməyə hazırdır. Eyni zamanda futbolçu isə İngiltərə klubundan ayrılmaq və daha çox oyun vaxtı qazanmaqla 2026-cı ilin Dünya Çempionatında İngiltərə millisində şansını artırmağı hədəfləyir.

Qeyd edək ki, Maynonun müqaviləsi 30 iyun 2027-ci ilədək qüvvədədir.