Endrik “Real”ı tərk edərək Fransa klubuna keçir

“Real”ın hücumçusu Endrik daha çox oyun praktikası qazanmaq üçün tezliklə klubunu dəyişəcək.  

QOL.az xəbər verir ki, bu barədə insayder Fabritsio Romano məlumat yayıb. 

O bildirib ki, 19 yaşlı forvard karyerasını “Lion”da davam etdirəcək. Keçid qış transfer pəncərəsi zamanı reallaşacaq. 

İngiltərə klubları da braziliyalı futbolçunun xidmətində maraqlı olsa da, o, seçimini “Lion”un xeyrinə edib. 

Qeyd edək ki, Endrik bu mövsüm cəmi 1 matçda meydana çıxıb. O, “Valensiya” ilə görüşün sonlarında forma şansı qazanıb.