Martinezin dubllu oyunu, “İnter”in qələbəsi ilə nəticələndi

İtaliya A Seriyasının 13-cü turunda “Piza” doğma meydanda “İnter”i qəbul edib.

OlimpSport.az xəbər verir ki, qarşılaşma Milan təmsilçisinin 2:0 hesablı qələbəsi ilə yekunlaşıb. Matçın qəhrəmanı Lautaro Martinez olub. Argentinalı hücumçu 69-cu və 83-cü dəqiqələrdə fərqlənərək dubla imza atıb və komandasına qələbə qazandırıb.

Bu nəticədən sonra xallarını 27-yə çatdıran "İnter" turnir cədvəlində ikinci pillədə qərarlaşıb. 10 xalı olan "Piza" isə 18-ci sırada yer alır.