İstanbul derbisi sülhlə bitdi – 90+5-də gələn bərabərlik qolu

Bu gün Türkiyə Superliqasında İstanbul derbisi keçirilib.

OlimpSport.az xəbər verir ki, "Fənərbaxça" öz meydanında əzəli rəqibi "Qalatasaray"ı qəbul edib.

14-cü turun qarşılaşması 1:1 hesabı ilə başa çatıb. Hesabı 27-ci dəqiqədə qonaqların futbolçusu Leroy Sane açıb. Meydan sahibləri isə 90+5-ci dəqiqədə Con Duranın qolu ilə məğlubiyyətdən qaçıb.

Bu nəticədən sonra "Qalatasaray" 33 xalla liderdir. Rəqibindən bir xal az toplayan "Fənərbaxça" isə 2-ci pillədə qərarlaşıb.