"Qarabağ"a qol vuran futbolçu mövsümün ən yaxşısı seçildi

İtaliya Futbolçular Assosiasiyası A Seriyasında 2024/25 mövsümünün laureatlarını açıqlayıb.

OlimpSport.az xəbər verir ki, mövsümün ən yaxşı futbolçusu “Napoli”nin yarımmüdafiəçisi Skott Maktominey seçilib. Neapol təmsilçisi həm də “mövsümün ən yaxşı komandası” mükafatına layiq görülüb. Komandanın baş məşqçisi Antonio Konte isə ən yaxşı baş məşqçi olub.

Assosiasiya mövsümün rəmzi komandasını da açıqlayıb. İlk “11-lik” aşağıdakı kimidir:

Qapıçı: Mile Sviler (“Roma”)

Müdafiəçilər: Denzel Dumfris (“İnter”), Amir Rrahmani (“Napoli”), Alessandro Bastoni (“İnter”), Federiko Dimarko (“İnter”)

Yarımmüdafiəçilər: Skott Maktominey (“Napoli”), Nikolo Barella (“İnter”), Tidjanni Reynders (“Milan”, daha sonra “Mançester Siti”yə keçib)

Hücumçular: Lautaro Martinez (“İnter”), Moyze Kin (“Fiorentina”), Mateo Reteqi (“Atalanta”, daha sonra “Əl-Kadisiya”ya keçib)