“Real”ın futbolçusu bir daha zədələnərək heyətdən kənarda qaldı

“Real”ın müdafiəçisi Ferlan Mendi yenidən sıradan çıxıb.

OlimpSport.az xəbər verir ki, bu barədə klubun mətbuat xidməti məlumat yayıb. Belə ki, 30 yaşlı futbolçunun sağ ayağının bud əzələsində zədə aşkarlanıb. “Kral klubu” bərpa müddətini dəqiq açıqlamasa da, İspaniya mətbuatı fransalı müdafiəçinin təxminən 3 həftə yaşıl meydanlardan uzaq qalacağı barədə məlumat paylaşıb.

Qeyd edək ki, bu mövsümün əvvəlində (avqust-oktyabr aylarında) də zədə səbəbindən oynamayan Mendi cari mövsümdə cəmi 1 oyunda (Çempionlar Liqası) meydana çıxıb. Onun klubla müqaviləsi 2028-ci ilin yayına qədər qüvvədədir.