Məhəmmədrəsul Məcidov İslamiadaya qələbə ilə başlayıb

 

2017.05.12   22.00:54  

Bu gün IV İslam Həmrəyliyi Oyunlarında boks yarışlarına start verilib. Yarışın ilk günündə Azərbaycan milli komandasının bir üzvü rinqə çıxıb.

"Olimpsport.az" xəbər verir ki, +91 kq çəki dərəcəsində qüvvəsini sınayan Məhəmmədrəsul Məcidov 1/8 finalda qazaxıstanlı Nurlan Saparbayla qarşılaşıb. Döyüş ikiqat dünya çempionumuzun qələbəsi ilə yekunlaşıb. Rəqibini II raunda nokdauna da salan Məcidov yekunda 5:0 hesabı ilə qalib gəlib.

O, 1/4 finalda Uosri Hafizlə (Misir) döyüşəcək. Görüş mayın 15-də olacaq.