Kamran Ağayevin klubu darmadağınla qalib gəldi

Futbol üzrə Çexiya çempionatında 6-cı turun oyunları keçirilib. Azərbaycan yığmasının qapıçısı Kamran Ağayevin şərəfini qoruduğu “Mlada Boleslav” da növbəti matçına çıxıb. 


Sözügedən kollektiv doğma meydanda “Zbroyovka” ilə qarşılaşıb. Futbolçumuzun komandası bu oyundan qələbə ayrılıb - 3:0.


Kamran bu görüşün iştirakçısı olmayıb. Ötən tur Çexiya klubunda debüt edən və biabırçı səhvlərlə komandasının böyük hesabla uduzmasında əsas günahkarlardan olan millimizin üzvü bu dəfə gözlənildiyi kimi ehtiyatda qalıb.


Geridə qalan turlarda 4 xal toplayan "Mlada Boleslav" 16 klub arasında 15-ci pillədə qərarlaşıb.