Eddi İsrafilovun klubu ilk qələbəsini qazandı

Futbol üzrə İspaniya Birinci Divizionunda (Sequnda) 5-ci turun oyunları keçirilib. Azərbaycan yığmasının yarımmüdafiəçisi Eddi İsrafilovun formasını geyindiyi "Ximnastik" də növbəti matçına çıxıb. 

Sözügedən kollektiv doğma meydanda “Albasete” ilə qarşılaşıb. Futbolçumuzun komandası bu oyundan qələbə ilə ayrılıb - 3:1.

Eddi bu görüşün iştirakçısı olmayıb. Onun adı ümumiyyətlə matçın iştirak ərizəsinə daxil edilməyib.

İlk qələbəsini qazanan "Ximnastik" 5 oyuna cəmi 4 xal toplayıb və hazırda 22 kollektiv arasında 20-ci pillədə qərarlaşıb.