Araz Abdullayev APOEL üzərində qələbəyə sevindi

Futbol üzrə Kipr çempionatında 4-cü turun oyunları keçirilib. Azərbaycanlı futbolçu Araz Abdullayevin formasını geyindiyi "Anortosis" də növbəti matçına çıxıb. Sözügedən kollektiv səfərdə APOEL-lə qarşılaşıb. Futbolçumuzun komandası bu oyundan qələbə ilə ayrılıb - 1:0.

Araz da bu görüşün iştirakçısı olub. Start heyətdə meydana çıxan futbolçumuz 78-ci dəqiqədə əvəzlənib.

Geridə qalan turlarda 10 xal toplamış Famaqusta təmsilçisi hazırda 14 iştirakçı arasında liderdi.