Avropa Liqasının final matçı Bakıda keçiriləcək!

Bu gün 2018/19 mövsümündə UEFA Çempionlar Liqasının və Avropa Liqasının finallarını təşkil edən şəhərlərin adları açıqlanıb.  Azərbaycan paytaxtı Bakı da hər iki turnirin həlledici qarşılaşmasına namizədlər arasında idi.

Çempionlar Liqası üçün Bakı Olimpiya Stadionuna (BOS) yalnız bir rəqib vardı. Bu, Madrid “Atletiko”sunun yeni stadionu “Vanda Metropolitano” idi.

Avropa Liqasında isə BOS iki stadionla mübarizə aparıb. Bunlar Sevilyanın “Ramon Sançes Pisxuan” və İstanbulun “Vodafon Park” arenalarıydı. 

UEFA-nın qərarı Bakı vaxtilə saat 19:30-da İcraiyyə Komitəsinin iclasında açıqlanıb. Qitə futbol qurumu Bakıya Avroliqanın finalını tapşırıb. ÇL-in finalı isə Madriddə baş tutacaq.