Dmitri Nazarov: "Qolları təsadüf nəticəsində vurmuruq"

“Hücum xəttimizin bu mövsüm inamlı çıxış etməsi səbəbsiz deyil. Qolları təsadüf nəticəsində vurmuruq". Bu fikirləri Azərbaycan millisinin üzvü Dmitri Nazarov Almaniya mətbuatına açıqlamasında deyib.

Nazarovun çıxış etdiyi II Bundesliqa təmsilçisi "Aue" bu gün “Sandhauzen”i qəbul edəcək. Cari çempionatda 2 qol vuran millimizin yarımmüdafiəçisi komandasında futbolçuların bir-birini çox yaxşı başa düşdüyünü bildirib: "Bir-birimizi gözüyumulu başa düşürük. Oyunvaxtı kimin necə davranacağını, hücumçularımızn boş zonaya nə vaxt açılacağını, hansı sürətlə qaçacağını hər birimiz yaxşı bilirik. “Sandhauzen”lə matçda də qollarımızı davam etdirməyə çalışacağıq".