“Qarabağ”ın futbolçusu Norveç yığmasına çağırıldı

“Qarabağ”ın futbolçusu Tarik Elyunussi Norveç yığmasına dəvət alıb. Sözügedən komandanın baş məşqçisi Lars Laqerbek DÇ-2018-in seçmə mərhələsi çərçivəsində San Marino və Şimali İrlandiyaya qarşı keçirəcəkləri oyunlar üçün heyəti açıqlayıb. 

Onun dəvət göndərdiyi 23 futbolçu arasında Ağdam klubunun bu yay heyətinə qatdığı 29 yaşlı yarımmüdafiəçi də var.

Norveç yığması oktyabrın 5-də səfərdə San Marino, ayın 8-də isə evdə Şimali İrlandiya ilə qarşılaşacaq.