Rauf Əliyevdən Albaniyada növbəti qol - VİDEO

Xəbər verdiyimiz kimi, azərbaycanlı hücumçusu Rauf Əliyev Albaniya çempionatında növbəti oyununu keçirib. Millimizin sabiq forvardı “Kukesi”nin “Luşnya” ilə səfər matçına start heyətdə başlayıb və sonadək oynayıb. 

Komandasının 2:0 hesablı qələbəsində də Raufun böyük pay sahibi olduğunu demək olar. O, öncə matçın 47-ci dəqiqəsində qapıçı ilə üz-üzə qalsa da, rəqib tərəfindən kobudluqla dayandırılıb. Buna görə baş hakim meydan sahiblərinin qapıçısını meydandan qovub. 60-cı dəqiqədə isə Rauf komandasının ikinci qoluna imza atmaqla oyunun yekun nəticəsini müəyyənləşdirib.