“Qalatasaray” Azərbaycan millisinin üzvünü transfer etdi

17 yaşlılardan ibarət milli komandamızın üzvü Mutlu Aksu Doğan karyerasını "Qalatasaray"da davam etdirəcək.
 
İstanbul nəhəngi 17 yaşlı yarımmüdafiəçini transfer edib.
 
Bu keçidə görə "sarı-qırmızılar" millimizin üzvünün klubu "Altınordu"ya təzminat ödəməyib. Əgər istedadlı futbolçu "Qalatasaray"dan başqa kluba transfer olarsa, məbləğın 50 faizi İzmir klubuna ödəyəcək.
 
Gənc yarımmüdafiəçi ilk olaraq "cim bom"un U-21 komandasının heyətində çıxış edəcək. Qış fasiləsindən sonra  isə o, əsas komanda əsas komanda ilə məşq edəcək.
 
Qeyd edək ki, Mutlu Aksu Doğan 2016-cı ildə 17 yaşlılardan ibarət milli komandamızın heyətində Avropa çempionatının seçmə mərhələsində iştirak edib.