Rauf Əliyev qol vurdu, “Kukesi” qalib gəldi - VİDEO

Futbol üzrə Albaniya çempionatında 6-cı turun oyunları keçirilib. Azərbaycanlı hücumçu Rauf Əliyevin formasını geyindiyi “Kukesi” də növbəti matçına çıxıb. Sözügedən kollektiv doğma meydanda “Teuta” ilə qarşılaşıb. Futbolçumuzun komandası bu oyundan qələbə ilə ayrılıb - 4:2.

Millimizin üzvü də bu görüşün iştirakçısı olub. Rauf komandasının inamlı qələbəsində pay sahiblərindən biri olub. O, 90+4-cü dəqiqədə matçın yekun nəticəsini müəyyənləşdirib. Üçüncü qolun da məhz Əliyevin sayəsində vurulduğunu qeyd etmək lazımdır.

Bu, onun Albaniya çempionatında üçüncü qoludu.

“Kukesi” hazırda 13 xalla 10 komanda arasında 2-ci pillədə qərarlaşıb.