Karrasko “Qarabağ”la oyundakı hərəkətinə görə cəzalandı

Çempionlar Liqasının qrup mərhələsinin 3-cü turunda “Qarabağ”la 0:0-lıq heç-heçə edən “Atletiko”nun futbolçusu Yannik Karrasko cəzalanıb. Buna səbəb onun ötən həftə Bakıda keçirilən matçda əvəzetmə zamanı etdiyi hərəkətdir.

Belə ki, 71-ci dəqiqədə belçikalı futbolçu əvəzlənərkən meydandan ləng çıxıb. Komanda yoldaşlarının onu cəld olmağa səsləməsinə baxmayaraq buna fikir verməyib. Azarkeşlər də Karraskonun bu hərəkətini etirazla qarşılayıb. Baş məşqçi Dieqo Simeone də bu hərəkətdən məmnun olmayıb və futbolçunu bir neçə oyunluq heyətdən kənarlaşdırıb.