Kamran Ağayevli “Mlada Boleslav” 1/4 finalda

Futbol üzrə Çexiya Kubokunda 1/8 final mərhələsinin oyunları keçirilib. Azərbaycanlı futbolçu Kamran Ağayevin formasını geyindiyi “Mlada Boleslav” da bu turnirdə növbəti matçına çıxıb. 

Sözügedən klub səfərdə aşağı liqa təmsilçisi “İskra Domajliçe” ilə qarşılaşıb. 6 qolun vurulduğu oyunda qələbəni “Mlada Boleslav” bayram edib – 4:2. Bu qələbə futbolçumuzun komandasını 1/4 finala daşıyıb.

Millimizin üzvü də bu görüşün iştirakçısı olub. Start heyətdə meydana çıxan Kamran sonadək oynayıb.