Ronaldo dördüncü dəfə ata oldu - FOTOLAR

Futbol üzrə Portuqaliya yığmasının və İspaniyanın “Real” klubunun ulduz futbolçusu Kristiano Ronaldo dördüncü dəfə ata olub. Bu barədə Madrid klubunun hücumçusu “İnstagram” hesabında etdiyi paylaşımla məlumat yayıb.

Yeni doğulan qıza Alana Martina adı verilib. Onu Ronaldonun sevgilisi Corcina Rodriqes dünyaya gətirib.

Qeyd edək ki, Ronaldonun əvvəlki övladları surroqat anadan doğulub. Kiçik Kristianonun 7 yaşı var. Yeva və Mateo adlı əkizlər isə bu ilin iyununda həyata göz açıblar.